2. Ka mawotcihitotcik ke mamo otamirotcik

Waban kirika Claudie ki oreritamokw kitci weritatcik kitci nta pamatisitcik kirika kotakahik ka otci pimatisitcik. Kata witcihikowok ka mitaritci awaciwikiwamiriw. Kata tca nawotcihitowok awocamec kitci mitcetitcik e weritatcik.

Waban -	Kitci ki miroparik kitci otamiroiikw, arimatc kiapatc nicto kekotc new awiik.
Claudie -	Claudie- Awin ki tca ?
Waban -	Matci ki ka masinahwananowok neta ke pe taciketcik. Waban kirika Claudie masinahwewok ke ki witcihikotcik.
Claudie -	Kekwan tca ke kanawapatamok, kitci oramaiikw ?
Waban -	Nictam, kitci saperitakik kitci witcihikoiikw
Claudie -	Ka tapweritakositcik acitc ka saperitakik kitci otamirotcik.
Waban -	Ka kiskeritakik ke ki ici otamiroiikw.
Claudie -	Ka kackitatcik e otamirotcik. Aric...aka tca kaskina awik aniheriw e tatak.
	Waban kirika Claudie masinahwewok ke ki witcihikotcik.
Waban -	Tan tca ke ki ici otamironaniwok anhwe towi e micta tiperitciketc ?
Claudie -	Kekotc ma awik kaskina ko arotc kekociciriw ka arimotak ?
Waban -	Tapwe tekaci ko kir anihwe towi !
Claudie -	Niah ! Ki ka wapataritin ni tan e icinakok anihe towi. Nama ni ki ka sapariten kir?
Waban -	Ke icinakonokwen. Nahinakoke. Nama ni ka onikan.
Claudie -	Hah! Hah! Hah!
Waban -	Nit iteriten ceckwat ki taci micta arimeritenano. Nama taw awik mia kekociciriw ka totak. Kecpin kaskina e taciiikw takonikwen ka ici kackitatc enko ke ici miropaiikw kitci micta miro otamiroiikw.

Waban kirika Claudie takapikenamakewok aiackotc

Waban -	Kwei Marilou ! Claudie kirika nin, ni ki nta arimotamowanan ka tiperitak awaciwikiwamiriw ka taci otamirotaikw kitci pa matisitcik ka ocki pimatisitcik.
Marilou -	Ka tapwe ia? Tan tca ? Ehe, ni saperiten.
Waban -	Ici naheritam kitci witcihitok. Ki ka pe witcihinan ia kitci otamirotaik.
Marilou -	Wow ! Niah ! Ni ka opohon. Otcita ni mireriten ! Tan apitc tca ke kitcipariwok ?
Waban -	Ki ka pe aimihitin kitci witamatan mia apitc ke kitcipariwok
Marilou -	OK. Ni micta nakasin.

Claudie takapikenamowew kotakeriw ka ki masinahwatcik :

Claudie -

Rodrigue -	Tan tca ke totcikatek ?
Claudie -	Kitci oreritcikatek tante ke icaniwok, tan ke totamokokw, Tante ke otinamokokw coria, kitci nikan otapinokw karo ke posiwakeiikw, kaskina kitci weritaiikw kitci matcepariwok.
Rodrigue -	Tekawocikotc. Nama moci wiskatc nte ni ki otci ici otamiron.
Claudie -	Nama kaie ninan, aric ekote ke otci kackitaiikw.
Rodrigue -	Awin aniki tca neta ka taciketcik ?
Claudie -	Mekwata, Waban kaie wir, Marilou kirika nin. Arimatc aric kiapatc kotakahik ke pe witcihiwetcik kitci mamo otamironaniwok.
Rodrigue -	Micta saperitakon. Tepirak kotc e mamitoneritaman aci kotc ni wapaten kitci micta micak otamirowin. Nin, ni tohan mekwatc hockey. Patama ni ka mamitoneriten memacic.
Claudie -	Tan apitc asko ke mamitoneritaman?
Rodrigue -	Wiec newo kicko pehici.
Claudie -	OK

Waban -	Matci ia ni ka aimihaw kaie wir Éric?

Parent -	Ki ni matcepariw Éric. Patam manactakaniwoke kata takocin
Waban -	Ka! Ni ka meka tca pe aimihaw takocike, mikwetc!
Parent -	Mikwetc. Matcaci.

Claudie -	Kwei Valentine ! Ki kiskeriten ia mekwatc e taci weritaiak kitci pa matisiak. Waban kirika nin ni taci weritanan kitci pa matisiak aniki kirika awaciwikiam?
Valentine -	Nama. Aric e pe witamoin aci kaie nin ni posin.

Claudie -	Mekwata ni taci nantonowananak ke pe witcihiwetcik. Kit a saperiten ia kir kitci pe posiin?
Valentine -	Otcita! Ni micta saperiten. Mekwata aric ni otamiron atawekamikocik kirika tca e kiskinohamasoian. Nit iteriten aric ni ka tapi ickwa aikan arimatc ia tca ni otcitakotc ki ka witcihiweian kitci ki kaie kir matcapariin e nta pamatisinaniwok?
Claudie -	Nama, nama arimatc. Nama ni misawatc kaskina awik kata ki pe witci otamiromiwew. Aric anotc mekwatc enko ni ka taci otamikamak.
Valentine -	Ehe. Ni nisitoten aric ma kirake pe witamacikan.
Claudie -	Ehe, ki ka witamatin. Matcaci !

Claudie à Waban- Nama wetan kitci mawotcihakaniwitcik ke pe witcihiwetcik.

Waban -	Ketcinatc kirawe kata miroparinopan kitci motci natawapakeiikw patok kitci motci takapikenamakeiikw.
Claudie -	Nama nin nit iteriten. Aka miroparinikwe, misawatc e motci takapikenamowakaniwitcik kekotc e motci natawapamakaniwitcik pekon kata wapatamok.Kecpin micta osam mitcetiwokwe kirawe kata ariman. E nikotwatciwok kekatc osam ki mitcetinano ekoni ki ta ici kitciparinano e newiwok.
Waban -	Ehe, Tapwe ni.
Claudie -	Kecpin tca newikwe.

Nictam ka mawotcihitotcik

Ka taciketcik : Waban, Rodrigue, Claudie, Marilou. Victor nama wir tacikew. Aiarimwewok e newitcik kitci oreritakik tan tca ke totakik peikon kitci arimwetcik ke ma kotc kitci atcictatcik osam aka e tacikeritci Victor. Ntwatc tca ekoni e ici arimwetcik.

Marilou - Kata micta mireritakon: Mictahi micaw ke weritaiikw kitci pa mipariwok ! Ni kiskeriten kaie nin tante ke ki icaiikw. .

Waban - Ekoni meka wetci ota tacikeiikw kitci aiarimotamokokw. Kaie ni kiskeriten ite ke ki icaiikw.

Claudie -	Patama wewerita ki ta kanawapatenano ke aitotiskeiikw.
Marilou -	Kecpin aka kiskeritamoiikwe ke icaiikw nama ki ka kiskeritenano ke ici weriikw.
Claudie -	Kitci oreritamokokw ite ke icaiikw●, Enko meka ni anihwe peikw ke itotiskeiikw.
Marilou -	OK. Ki ka meka tca masinahenano ite ke ki icaiikw.

Rodrigue - Patama tca ki ka kiskeritenano tante tca ke icaiikw kitci ki kiskeritamokokw kekwan ka wi nta totamokw. Kitci kiskeritamokw tepirak kitci pakiwoteiikw kekotc ma kekocic kitci pa nta aitotamokw. Nin, Ni ta mireriten ni kitci kekocic nta totaman.

Waban -	Patam aric ki ka kiskeritenano tante ke icaiikw. Nama peikonok kekocic ki ka pa aitotiskanano.
Marilou -	Tapwe micta mirwacin aric kaie arimatc coria ki ka kanawapatenano irikik ke takok. Kitci kiskeritamokw tan ke itikitakok ite ke icaiikw. Kecpin meka tepirak apita takoke coria irikik ke itikitakok ekoni kitci natawapariikw. Arimatc pitoc wiec ki ka icanano.
Waban -	Coria, Arimatc aric kaie tante ke icaiikw; ekote ke otci kiskeritamokw tan irikik ke apatak coria. Nama ki ka ki pa natotamanano aka e kiskeritamok tante e wi icaiikw acitc tan ke itakitakok.
Claudie -	Arimatc meka tca ki ka oreritenano kaskina anihwe kitci kanawapatamokw.
Marilou -	Kitci akitamokw tan ke itakitakok peiko kickwa acitc tan irikik ekote ke otci kiskeritamokw tan irikik ke apatak coria. Kecpin mitato kicko nama tapickotc kata itakitakon kecpin mitato acitc niarano kicko..
Rodrigue -	Tante tca ke otci kiskeritamokw, kekwan ke kanawapatamokw tanto kicko e wi matcaiikw? Mitato, mitato acitc niaran mitato acitc nicwaso, nictana? Tan e wi pa aitotamokw nete?
Claudie -	Enko meka ni ka iteipan. Kitci kiskeritamokw ke weritaiikw patam ki ka kiskeritenano kekwan ka wi totamokw acitc tante e wi icaiikw tan ke itakitakok irikik ke itanohoiikw. Nama ki ka ki ici oreritenano kekwan aka wewerita e kanawapatamokw kaskina ohwi.
Marilou -	Ki itanawaw ki ka ki witcihikono ka tiperitak. Potc aci wir ki ickwa weritatake ohweriw towiriw kitci pa matisinaniwonik.
Claudie -	Ki ka ni kackitanano kirancikeno.
Waban -	Nama ni wir kata ki ocitaw, aric ki ka ki witcihiko tan ke ici otamiroiik.
Rodrigue -	Ekoni ici kokwetcimata. Nama ni wiec tepirak kitci kokwetcimaiikw. Aci mekwata memantcic ki taci nakacininano..

E ickwa mawotcihitotcik

Waban -	Kata micaw ke ici otamiroiikw.
Claudie -	Kecpin mia ickwa oreritamoiikwe ke totamokokw kata micta miroparin minawatc.
Waban -	Aci meka tca natciparin ke ici otamiroiikw nama aci tepirak ki ta aiarimotenano.
Claudie -	Kekwan wetci iteiin anihwe?
Waban -	Kecpin aci e ickwa miskatek, tan tca tapwe e wi totcikatek nama tepirak aci arimotcikatew, otamirotakaniwon tca aci tapwe.
Claudie -	Nin, Nit iteriten ekote e ici saperitakok patama e aiarimotcikatek ekote wetci miroparik tapwe tca e otamirotakaniwok. nama ia?
Waban -	Ni kiskeriten e tapweiin. Aric anotc mekwata e iteritaman kaskina anihi ka taci aitotiskeiikw mia sa kotak kekocic otci e taci otamirotaiikw.
Claudie -	Kata ni iti miroparin, kecko ki ka wapaten.

Kecpin kir ni iciwepasiin tan ni ki ta toten?

Mitowi Claudie

Mirowi Waban

Tariw kotakeriw okwimesa Victor. Taci ni sakosawakewok e nicitcik.

Waban -Kwei ockinikiwok!

Victor -Kwei Waban.

Waban -Ni pe nta otcipitcikan kaie nin, taciw ia.

Victor -Ki kiskeriten mocak taw nin. Ma ki minikwan peikw napier?

Waban -	Nama, nama ni wi nicopiten.
Victor -	Kir kotc. Ninan ni otapinenan. Ah! Ah!
-	Waban : « Ekoni ke ici totowak, nama tca minawatc wipatc ni ka kiriperimaw.»

Tan e ici wapatamekw wetci totak niheriw Wapan?
1 Tapwe ni aniheriw ka iteritak ka wi totak Waban. Micta kinec ni nama minawatc kata kiriperitam.	2 Tepirak ni meta memancic ka tapwetc Waban, kata aric minawatc otapinam.	3 Ititiso Waban nama minawatc ni ka otapinen kata aric ni takoniw minawatc ke otci miskak kitci totak kekociciriw : « nama wiskatc ».